గరుడగమన తవ చరణకమలమిహ | Garuda Gamana Tava | Divine Lyrics
గరుడగమన తవ చరణకమలమిహ
( తాత్పర్యముతో)
రచన : జగద్గురు శృంగేరీ పీఠాధిపతి భారతీ తీర్థ స్వామి
గరుడగమన తవ చరణకమలమిహ
మనసి లసతు మమ నిత్యం
మనసి లసతు మమ నిత్యమ్ ॥
మమ తాపమపాకురు దేవ
మమ పాపమపాకురు దేవ ॥
జలజనయన విధినముచిహరణ
ముఖ విబుధవినుత పదపద్మ
విబుధవినుత పదపద్మ ॥
మమ తాపమపాకురు దేవ
మమ పాపమపాకురు దేవ ॥
భుజగశయన భవ మదనజనక
మమ జననమరణ భయహారీ
జననమరణ భయహారీ ॥
మమ తాపమపాకురు దేవ
మమ పాపమపాకురు దేవ ॥
శంఖచక్రధర దుష్టదైత్యహర
సర్వలోక శరణ సర్వలోక శరణ ॥
మమ తాపమపాకురు దేవ
మమ పాపమపాకురు దేవ ॥
అగణిత గుణగణ అశరణశరణద
విదళితసురరిపుజాల
విదళితసురరిపుజాల ॥
మమ తాపమపాకురు దేవ
మమ పాపమపాకురు దేవ ॥
భక్తవర్యమిహ భూరికరుణయా
పాహి భారతీతీర్థం 'పాహి భారతీతీర్థమ్ ॥
గరుడగమన తవ చరణకమలమిహ
మనసి లసతు మమ నిత్యం
మనసి లసతు మమ నిత్యమ్ ॥
మమ తాపమపాకురు దేవ
మమ పాపమపాకురు దేవ ॥
తాత్పర్యము
గరుడగమన తవ చరణకమలమిహ
మనసి లసతు మమ నిత్యం
మనసి లసతు మమ నిత్యమ్ ॥
ఓ విష్ణు స్వామీ! గరుత్మంతుని వాహనముగా కలిగినవాడా ! నీ పాదపద్మము ఈ నా మనస్సులో నిత్యము ప్రకాశించుగాక !
దేవా! నా తాపాన్ని తొలగించు.(తాపత్రయము: అధ్యాత్మికము, ఆధిభౌతికము, ఆధిదైవికము.)
దేవా! నా పాపాన్ని తొలగించు
విశేషాలు
పాపాలు 10
(1. పరద్రవ్యాపేక్ష, 2. అనిష్టచింతనము, 3. వితథాభినివేశము (పరలోకము లేదు, దేహమే ఆత్మయనెడి అభినివేశము) [ఇవి మానస పాపములు],
4. కఠినోక్తి, 5. అసత్యోక్తి, 6. పరోక్షమున పరదూషణ చేయుట, 7. అసంబద్ధ ప్రలాపము [ఇవి వాచిక పాపములు],
8. పరద్రవ్యము నన్యాయముగ గ్రహించుట, 9. నిషిద్ధ హింస, 10. పరదారగమనము [ఇవి శరీర పాపములు]
1.జలజనయన విధినముచిహరణ
ముఖ విబుధవినుత పదపద్మ
విబుధవినుత పదపద్మ ॥
మమ తాపమపాకురు దేవ
మమ పాపమపాకురు దేవ ॥
1. ఓ పద్మములు వంటి కన్నులు కలవాడా ! బ్రహ్మ ఇంద్రుడు మొదలైన వారు సేవించు పాదపద్మములుగల దేవా !
దేవా! నా తాపాన్ని తొలగించు.
దేవా! నా పాపాన్ని తొలగించు
2.భుజగశయన భవ మదనజనక
మమ జననమరణ భయహారీ
జననమరణ భయహారీ ॥
మమ తాపమపాకురు దేవ
మమ పాపమపాకురు దేవ ॥
2. ఆదిశేషునిపై పడుకొన్నవాడా ! మదనజనకా! నీవు నా జనన మరణభయమును తొలగించు (మోక్షాన్ని ప్రసాదించమని భావం)
దేవా! నా తాపాన్ని తొలగించు.
దేవా! నా పాపాన్ని తొలగించు
3. శంఖచక్రధర దుష్టదైత్యహర
సర్వలోక శరణ సర్వలోక శరణ ॥
మమ తాపమపాకురు దేవ
మమ పాపమపాకురు దేవ ॥
3. శంఖము, చక్రము ధరించిన వాడా! దుర్మార్గులైన రాక్షసులను హరించినవాడా ! సర్వలోకములకు శరణము ఇచ్చువాడా !
దేవా! నా తాపాన్ని తొలగించు.
దేవా! నా పాపాన్ని తొలగించు
4. అగణిత గుణగణ అశరణశరణద
విదళితసురరిపుజాల
విదళితసురరిపుజాల ॥
మమ తాపమపాకురు దేవ
మమ పాపమపాకురు దేవ ॥
4. లెక్కించుటకు అ లవికాని గుణ సమూహములు కలస్వామీ! దిక్కులేనివారికి దిక్కయిన స్వామీ! రాక్షసులను ముక్కలుముక్కలుచేసిన దేవా! ముక్కలు చేసిన దేవా!
దేవా! నా తాపాన్ని తొలగించు.
దేవా! నా పాపాన్ని తొలగించు
5. భక్తవర్యమిహ భూరికరుణయా
పాహి భారతీతీర్థం 'పాహి భారతీతీర్థమ్ ॥
గరుడగమన తవ చరణకమలమిహ
మనసి లసతు మమ నిత్యం
మనసి లసతు మమ నిత్యమ్ ॥
మమ తాపమపాకురు దేవ
మమ పాపమపాకురు దేవ ॥
5. దేవా! మహాదయ తో భక్త శ్రేష్ఠుడయిన భారతీతీర్థుని పరిపాలించు.
నీ పాదపద్మము ఈ నా మనస్సులో నిత్యము ప్రకాశించుగాక !
దేవా! నా తాపాన్ని తొలగించు.
దేవా! నా పాపాన్ని తొలగించు
కామెంట్‌లు